Xəbərlər
Azərbaycan Türkiyə İş Adamları Birliyinin (ATİB) nümayəndə heyəti Moldova Respublikasına səfər etdilər.
13.02.2017
Azərbaycan Türkiyə İş Adamları Birliyinin (ATİB) nümayəndə heyəti 07-10 fevral tarixlərində Moldova Respublikasına səfər etdilər.
Azərbaycan Türkiyə İş Adamları Birliyinin nümayəndə heyəti Türkiyənin Moldova Respublikasındakı səfiri Hulusi Kılıçı, Moldova İş Adamları Dərnəyini, Moldova Ticarət və Sənaye Odasını, Moldova Azəri Kongresi Dərnəyini, Gökoğuz Yeri Özerk bölgəsini, Asena Tekstil fabrikasını ziyarət etdilər.
Türkiyənin Moldova Respublikasındakı səfiri Hulusi Kılıç qarşılıqlı iş əlaqələrinin mədəni səviyyədə inkişaf etdiyini ifadə edərək, bu əlaqələrin daha da yüksək mərtəbədə şaxələnəciyinə əmin olduğunu bildirdi.
ATİB İdarə Heyətinin sədri Cemal Yangın qəbula görə təşəkkür edərək ATİB-in gələcək fəaliyyətlərindən bəhs etdi.
Görüşün sonunda xatirə üçün hədiyyələr təqdim olundu.
Daha sonra ATİB nümayəndə heyətini Azərbaycanın Moldovadakı səfiri Qüdsi Osmanov qəbul etdi. Cənab səfir qarşılıqlı iş əlaqələrinin mədəni səviyyədə inkişaf edəcəyini ifadə edərək, bu əlaqələrin daha da yüksək mərtəbədə şaxələnəciyinə əmin olduğunu bildirdi.
Türkiyənin Moldovadakı səfirliyinin təşkilatçılığı Kişinyovda ilk dəfə olaraq Moldova-Türkiyə-Azərbaycan biznes forumu keçirilib. Foruma ATİB İdarə Heyəti də qatılıb. Bu, üç ölkənin biznes dairələrinin ortaq keçirdiyi ilk forumdur. Tədbirdə Azərbaycanın Moldovadakı səfiri Qüdsi Osmanovun təmsilçisi, Türkiyənin bu ölkədəki səfiri Hulusi Kılıç da iştirak edib.
ATİB İdarə Heyətinin sədri Cemal Yangın biznes forum zamanı rəhbərlik etdiyi ATİB-in fəaliyyəti barədə məlumatlandırmaqla yanaşı, Azərbaycanın biznes ictimaiyyətinin tutduğu mövqeni iştirakçıların nəzərinə çatdırmışdır. Cemal Yangın bildirmişdir ki, ATİB Moldova iş adamlarını birləşdirən qurumlarla daha yaxın əməkdaşlıqda maraqlıdır və bunun regionda rifahın artırılması baxımından mühüm əhəmiyyət kəsb etdiyinə inanır.
ATİB nümayəndə heyəti Komratda Komrat Dövlət Universiteti ilə görüşdü. Görüşdə əməkdaşlıq əlaqələri müzakirə olundu.
ATİB sədrinin başçılıq etdiyi nümayəndə heyəti başqan İrina Vlax ilə görüşüb. Tərəflər iqtisadiyyat sahəsində əməkdaşlığa dair çoxsaylı məsələləri müzakirə ediblər. Cemal Yangın qeyd etdi ki, səfərin əsas məqsədini açıqlayaraq iqtisadiyyatın hansı sahələrinin ticarət və sərmayəqoyma üçün daha məqbul olduğunu öyrənməkdir.
Muxtar qurumun rəhbəri görüşdə Qaqauziyada sosial-iqtisadi sahənin inkişafında Türkiyə Cümhuriyyətinin xüsusi rolunu vurğulayaraq qeyd edib ki, beynəlxalq aləmdə və türk dünyasında Qaqauziyanın mühüm tərəfdaşlarından biri də Azərbaycan Respublikasıdır.
Azərbaycan-Türkiyə İş Adamları Birliyi (ATİB) İdarə heyətinin sədri Cemal Yanqın vurğulayıb ki, əməkdaşlığın əsas istiqamətləri toxuculuq sənayesi, turizm, yüngül sənaye və maliyyə-bank sektorudur.
Komrata səfər çərçivəsində bir qrup sahibkar Qaqauziyada kənd təsərrüfatı, şərabçılıq, konserv və əczaçılıq məhsulları istehsalı üzrə ixtisaslaşan iqtisadi agentlərlə geniş tərkibdə görüş keçiriblər.
Qaqauziya İcraiyyə Komitəsi sədrinin birinci müavini Vadim Çeban və Azərbaycan-Türkiyə İş Adamları Birliyi (ATİB) idarə heyətinin sədri Cemal Yanqın əməkdaşlıq haqqında memorandum imzalayıblar.
Səfər çərçivəsində ATİB Moldova İcra Komitəsinin ATU Qaqauziya (Qaqauz Yeri) Respublikası ilə, Moldova Azəri Kongresi Dərnəyi ilə, Moldova İş Adamları Birliyi ilə əməkdaşlıq memorandumu imzalandı.
